28/10/2016 Wasiirka Waxbarashada iyo Tacliinta sarre Dowladda Puntland Dr. Abshir Yuusuf Ciise iyo agaasimaha guud  awafdi uu hogaaminayo oo kormeer Waxbarasho ku maraya Gobolada Puntland ayaa lagu soo dhaweeyay degmooyinka kala ah Carmo, Isku shuban iyo Ufayn oo ka tirsan Gobolka Bari.
Wasiirka Waxbarashada ayaa degmada Ufayn ka dhagax dhigay dugsiga waxbarshada dadka waaweyn iyo dugsiga hoose dhaxe oo la balaarinayo oo booska loo iibiyey, waxayna maamulka waxbarashada ee deegaanka ka wada hadleen xaaladaha waxbarashada iyo sidii howlaha waxbarashada ka socota loo dardar galinlahaa.
Wasiirka waxbarashada  iyo Agaasimaha guud  iyo wafdigiisu waxay kadib u gudbeen dhinaca degmada Iskushuban oo ah meeshii wasiirku ku dhashay, wuxuuna wasiirku ka dhagaystay bulshada deegaanka baahida waxbarashada ee halkaas ka jirta iyo kormeer indha indheyn ah oo uu ku sameeyay masahaariicda waxbarashada ka socota degmada Isku-shuban.
Agaasimaha Guud ayaa soo dhawaynta Degmada ufayn iyo isku shuban ku sheegay mid taariikhiya ugana mahad celiyey bulshada aad u soo dhawaysay,
Dr. Abshir Yuusuf Ciise ayaa sheegay in socdaalkooda uu xooga ku saarayo kormeer lagu sameeyo waxbarashada ka socota deeganada fogfog ee ku yaala Gobolladda Puntland.
Daawo sawiradda
Deeq hurevov