Wasaaradda Waxbarashadda puntland oo qabatay aqoon kororsi ku aadan habka Ururinta,Maaraynta xogta Waxbarashadda Puntland.

02/07/2014

Waxaa maanta Hallka shirarka ee wasaaradda waxbarashada Puntland ee Garowe ka furmay shir looga hadlayo arrimaha maamulka iyo arruurinta xogta waxbarashada Goballada iyo Dagmooyinka Puntland. habkaa ayaa loo yaqaan ( EMIS)

Waxaa barnaamijkaa si rasmiya u furay Wasiir ku xigeenka Wasaarada Waxbarasahadda Puntland Dr. Maxamed Cali Faarax.

Wasiirka ayaa hadaladisii waxaa ku caddeyd in xogtu ay tahay waxaa kaliya ee kaa cawinkara in aad goaan gaarto.

Wasiirku waxa uu kula dar darmay gudoomiyasha waxbarshadda ee goboladda, degmooyinka, kormeeraysha goboladda iyo dhamaan shaqaalaha xarunta dhaxe ee wasaaradda waxbarashadda kuwaas oo ka qaybaqadanaya tababarkan in ay ka faa’iidaystaan aqoona ka helaan si ay ugu fududaato sidii ay mustaqbalka dhow iyo kan dheerba ay ugu tababari lahaayeen maamulayasha iskuulada iyo macalmiinta.

Wasiirk ku xigeenka wasaaradda Waxabarashada puntland waxaa uu hadaladiisii ku soo gabagabeyey in arintaan u baahanatahay masuuliyad, iyo xil kasnimo isla markaasna loo bahanayahay in la uruuriyo xog xaqiiq ku qotonta si loo helo go’aan wanaagsan.

Waxaa sidoo kale tababarkan hawlwadeeno ka ahaa Cabdulaahi Nuur Salaad iyo Maxamud Cabdisalaan AW Cali oo Wasaaaraddu u xilsaaratay inay tababarkan bixiyaan.

Tababarkaan oo ay ka soo qaybgaleen 54-xubnood oo isugu jira Gudoomiyayaasha waxbarashada Gobollada iyo kuwa Dagmooyinka iyo qaar kamida shaqaalaha Wasaaradda Waxbarashada Puntland ayaa sanadkaan waxaa looga hadli doonaa habka loo tababari lahaa Maamulayasha Dugsiyada Hosee / Dhexe ee deeganada Puntland iyadoo maamulayaashaas lagu tababarayo habka xog-aruurinta iskuulada Puntland.

Tababarkaan oo ay fulinayso Wasaaradda waxbarashada Puntland oo la kaashanaysa Hay’adda UNICEF ayaa socon doona 4-maalmood, waxaana afartaa maalmood ee uu tababarku socdo lagu baran doonaa habka maamulidda iyo uruurinta xogta waxbarashada.

Todobaadyada soo socda ayaa la filayaa in Tababarkaan mid lamida loo qaban doono Maamulayashada Dugsiyada Sare Iyo Jaamacadaha Puntland.

Tababarkaan oo ah tababar sanadkiiba mar la qabto ayaa ku soo beegmaya xili ay wasaradda ka socdaan tababaro kor loogu qaadayo hanaanka waxbarasho ee Puntland.