17/07/2016- Kulankaan maanta lagu qabtay xarunta hoolka Wasaaradda Waxbarashada oo ay soo qaban qaabisay Wasaaradda waxbarashada iyo Tacliinta sare ee dowlada puntaland ayaa ahaa mid lagu daaah furay Mashruuca qorista iyo akhriska Waxbarashada Dadka waa wayn, waxuuna ku wajahana in qofka wax akhrin karo waxna qori karo , Waxaa ka soo qayb galay mas’uuliyiin ka tirsan Wasaaradda Waxbarashada iyo Tacliinta sare,aqoonyahanno, ardayda Jaamacadaha, iyo hay’adaha Tageera Waxbarashada Puntland .
Barnamijkaan Akhriska Waxaa uu ku wajihnaa kooxo gaar ah oo daruufo gaar ah leh.
Safiyo sugule oo ah waaxada Waxbarashada dadban ee Wasaaradda waxabarashada iyo Tacliinta sare ayaa ayaa ka mid ahaa dadkii ka hadlay goobta oo ka faalooday ahmiyadda ay leedahay wax qoriska iyo qoraalka.
Hadaba Waxaada Waxbarashada Dadban waxay ku dadaalaysaa in ay barnamijkaan hirgaliso iadoo kaasahanaysa Wasaaradda Waxbarashada iyo Tacliinta sare iyo Hay’adaha ku lugta leh Waxbarashada Dadban Sida, UNESCO, AET,ADRA, iyo CARE.
“Aanu goosano sidii agaasimuhu u yiri qof walbow ku dadaal hal qof in aad wax barto, akhriska iyo qorista farta, Hotelada taga magaalada mara tabeelayaasha akhriya gobolkii banaadir aaway luuqaddii dhulkaa lagu daray anaga akadeemiyad goboleedka horumarinta afka Soomaaliga waxaanu rajeyneynay in ay dadwaynuhu nagu gacan siin doono ilaalinta afka”
Madaxa Hayadda UNESCO u fadhiya Wakiilka Puntland Maxamed Xaashi Waxaa uu si gaara uga codasaday hay’adda UNESCO in barnamijkaan wax muuqda ka qabato si uu gaaro dhamaan Gobolada, halka hada uu ka joogo hal gobol sidii uu sheegay agaasimaha Waxaada waxbarashada dadban.
Agaasimaha Wasaaradda Waxbarashada iyo Tacliinta sare ee Dowlada Puntland Maxamed Cabdulqaadir cismaan oo hadal ka jeediyay kulankaas ayaa waxaa uu ku dheeraaday ka hadalka muhiimadda waxbarashada iyo dhibaatada waxbarasho la’aanta dalka ka jirta, waxaana uu ku baaqay in laga wada qayb qaato la dagaalanka Jahliga.
“Hadii anaga qaar naga mid ah ay aad u sareeyaan oo ay BHD wataan 100% , 90 na aysan waxba akhrin karin qorina karina, wax muhiimad ah manoo lahan, horumarna kuma gaari karno, marka si aan horumar u gaarno aan adduunyada ula tartano aan go’aankaas qaadano”ayuu yiri Agaasimaha.
Munaasabadaan oo ay ka hadleen aqoon yahano badan oo waqti dheer howlaha waxbarashada ku soo jiray ayaa gaba gabadii waxaa ka hadlay Wasiir ku-xigeenka Wasaaradda Waxbarashada iyo Tacliinta sare ee dowlada puntland Dr Maxamed Cali Faarax waxaana uu sheegay in Wasaaraddu ay dadaal dheer ku bixineyso tayeynta Waxbarashada iyo sidii waxbarasho loogu heli lahaa dhalaanka u baahan”.ayuu yiri Wasiir ku-xigeenka Wasaaradda.
Wasaaradda Waxbarashada iyo Tacliinta sare ayaa waxaa ay dhawaanahaanba dadaal ugu jirtay sidii waxbarashada dalka loo tayeyn lahaa, iyadoo dalka ay aad ugu badan yihiin dadka aan fursadaha u helin waxbarashada ama duruufuhu u diideen, waxaana xusid mudan in Wasaarada Waxbarashada ee dowladda puntland ayaa meel walba ka hirgelisay iskuulaad si lacag la’aan ah carruur badan ay wax uga baranayaan in kastoo ay u baahan tahay in dabagal lagu sameeyo sida ay u shaqeeyaan iskuulaadkaasi.
Hoos Ka Daawo Sawiradda.
By:Deeq Maxamed Warsame.
Xooghaynta Wasaaradda Waxbrashada iyo Tacliinta Sare.