Tababaro Waxbarashada Gabdhaha looga hadlayay oo loo Qabatay Maamulayaasha iskuuladka iyo Gudoomiyeyasha Degmooyinka.

07/01/2015, Tababar soconayay muddo sadex maalmood ah oo looga hadlayay kor u qaadista Waxbarashada gabdhaha ayna ka soo qayb galeen Guddoomiyayaasha Waxbarashada Degmooyinka Gobolka Nugaal, Maamulayaasha Dugsiyada Gobolka Nugaal iyo marti sharaf kale oo ay ka mid ahaayeen Agaasimaha Waaxda Kormeerka Iskuulaadka ee Wasaaradda Waxbarashada iyo Guddoomiyaha Waxbarashada Gobolka Nugaal ayaalagu soo gebo gabeeyay Guddoonka Waxbarashada Gobolka Nugaal.

Tababarkaan oo lagu falanqaynayay kor u qaadista Waxbarashada gabdhaha ayaa mudadii uu socdau waxaa aad loogu lafaguray kaalinta kaga aadan Masuuliyiinta Iskuulaadka, Macallimiinta iyo waaridiinta, iyadoo laga eegayay dhinacyo badan oo kala duwan, waxaana ugu dambayntii la isku raacay inay u tahay  muhiim bulshada.

Tababarkaan oo ay si wada jir ah u soo qaban qaabiyeen Wasaaradda Waxbarashada iyo Tacliinta Sare ee Puntland iyo Hay’adda Relief international ayaa kuwo la mid ay loo qabtay usbuucyadii la dhaafay Guddooniyayaasha Degmooyinka iyo Maamulayaasha Iskuulaadka ee guud ahaan Gobolada Puntland iyadoo ay wasaaradda ka gacan siinayeen Hay’adaha NRC, Care iyo ADRA.

Agaasimaha Waaxda Kormeerada iyo Tayadhowrka ee Wasaaradda Waxbarashda iyo Tacliinta sare Cabdulqaadir Yuusuf Nuux oo ka hadlay tababarkaan ayaa ka sheekeeyay ujeedooyinka iyo hadafyada ay Wasaaraddu ka leedahay, isagoo si toos ah u tilmaamay muhiimadaha ay leedahay Gabar wax la baro dhinac kasta oo ay ahaaba wuxuu sheegay inay bulshada u leedahay faa’iidooyin badan.

Agaasimaha Guud ee wasaaradda Waxbarashada iyo tacliinta sare Axmed Cabdi Cali Shire (Keyse) oo  gabagabadii tababarkaan hadal kooban uu ka jeediyay ku sheegay inay tahay arrim muhiim ah oo loo baahan yahay, taasoo uu ku micneeyay in waxbarashada gabdhuhu ay saldhig u tahay bulsho caafimaad qabta oo horumar gaadha, taasoo ka soo bilaabanaysa qoyska ilaa heer Dawladeed.

Agaasimaha ayaa u mahad celiyay Hay’adaha gacanta ka siiyay hawshaan, waxaana uu la dardaarmay Guddoomiyayaashii iyo Maamulayaashii ka qayb qaatay kuwaasoo uu ku dhiiri galiayay inay si ficil ah u fuliyaan wixii ay halkaan ku barteen.

JADWALKII TABABARADA EE GOBOLADA PUNTLAND

AGENCIES	PROJECT	FACILITATOR	SUPERVISOR	TARGET PARTICIPANTS	TARGET REGIONS	♯ PARTICIPANTS	TRAINING DURATION	VENUES
CARE	SOMGEP	Prof Saed FahieProf  A/Nasir Hersi	Mohamed I Finin	H/Ts, Deos, REOS	SANAG,KARKAR, SOL, AYN	58	28Dec – 01 Jan	GAROWE
ADRA	SOMGEP	Prof Awsey ,Prof Sheekhuna	Isse M Isse	H/Ts, Deos, REOS	MUDUG	29	27Dec – 2Jan	GALKAIO
NRC	NMFA	Prof  A/Nasir Hersi	√	H/Ts, REO	NUGAL	17	20- 26 Dec	GAROWE
		Prof Jamal  Muse	√	H/Ts,  REO	BARI	28	22 – 28 Dec	BOSASO
RI	EGEP	Dr A/lla  A/ZizProf Md Cabdi	A/kadir Y Nuh	H/Ts, Deos, Reos & GFP	MUDUG	30	22 – 25Dec	GALKAIO
				H/Ts, Deos, REO & GFP	NUGAL	30	29Dec – 01Jan	GAROWE
				H/Ts, Deos, REO & GFP	BARI	35	3 Dec – 6 Jan	BOSASO

Hoos ka Daawo Sawiro fara badan oo Turjumaya Waxii la Qabatay.