Madaxwayne ku xigeenka dowladda Puntland Eng.Cabdixakiin Cabdilaahi Camay ayaa socdaal ka dis ah waxa uu ku tagay xarunta Wasaradda Waxbarashada Puntland halkaasoo ay ka socotay shaqadii maalin-laha ahayd.
Waxa uu la kulmay Wasiirka Waxbarashada Cali Xaaji Warsame.Wasiir ku xigeenkiisa Dr.Maxamed Cali Faarax iyo qaybaha kala duwan ee shaqalaha xarunta dhexe ee wasaradda.
Wasiir Cali Xaji Warsame iyo Dr.Maxamed Cali Farax ayaa madaxwayne ku xigeenka soo kala tusay xarumaha ay waaraddu ka kooban tahay iyo waliba sida ay shaqadu maanta u socoto.
Madaxwayne ku xigeenka dowladda Puntland ayaa aad ula dhacay qaabka wanaagsan oo ay shaqalaha wasaradda waxbarashada iskugu xiran yihiin iyo sida ay ugu heelan yihiin shaqadooda,iyadoona xiliga uu Camay booqanayay wasaradda ay ahayd xiliga ugu horeeya ee shaqadda dowladda la qabto.
Wasiir Cali Xaaji Warsame ayaa u sheegay Madaxwayne ku xigeenka Puntland howlaha wasaradda iyo kuwa gobaladda siday u socdaan iyo sida ay uga go’an tahay in bulshadda Soomaaliyeed loo addeego.
Eng.Camay ayaa ka barqaati kacay in wasaradda waxbarashada Puntland ay ku jirto wasaradaha ugu shaqadda wanagsan wuxuna tilmaamay in wasaradaha kalana looga baahan yahay ina ku day-daan Wasarada Waxbarashada.
Madaxda wasaradda waxbarashada ayaa sheegay inay shaqalaha wasaradda ka howlgala ay yihiin kuwo ilaaliya xiliga shaqadda lasoo galo iyo xiliga laga baxo,taasoo keenta in shaqadu ay u socoto sidii loogu talo galay.
Madaxwayne ku xigeenka ayaa dhowaan bilaabay booqasho gaadmo ah oo uu ku tagayo wasaraddaha dowladda,si loo ogaado shaqadu inay daacad ka tahay iyo in kale.
DAAWO SAWIRADII BOOQASHADA MADAX WAYNE KU XIGEENKA OO KU YIMI WASAARADDA WAXBARASHADDA.