12/March/2015,Wasiirka waxbarashada dowladda federalka Soomaaliya Drs Khadar Bashiir Cali ayaa maanta soo dhaweynta ballaaran loogu sameeyay magaalada Garowe.
Wasiirka waxbarashada iyo tacliinta sare ee dowladda Puntland Cali Xaaji Warsame ayaa wafdiga wasiirka waxbarashada Soomaliya kaga hortagay garoonka diyaaradaha ee Garowe, halkaas oo ay soo dhaweyn kadib saxaafada kula hadleen.
Drs. Khadra Bashiir Cali waxay sheegtay inay aad ugu faraxsan tahay safarkeeda ay ku timid Puntland Casumaad Rasmiyana ka heshay Wasaaradda Waxbarashada iyo Tacliinta Sare iyadoo sheegtay inay horey ulasoo shaqeysay wasaaradda waxbarashada Puntland ayna haatan doonayso inay qibrad ka qaato Puntland.
Wasiirka waxbarashada Soomaaliya Waxay sheetay nay ka qeyb galayso shirka wajiga labaad ee dib u eegista qorshihii waxbarasho ee sanadkii hore, kaasoo la qabandoono maalinta axada ee todobaadka soo socda. Waxayna intaas kusii dartay inay Puntland u timid sidii wasaaradda waxbarashada Puntland tababar usiin lahayd shaqaale katirsan wasaaraddeeda.
Wasiirka waxbarashada Puntland Cali Xaaji Warsame ayaa dhankiisa sheegay inay ku faraxsan yihiin inay wasiiradu timaado Puntland oo ay kala qeyb gasho shirkooda ay kaga hadlayaan qorshaha waxbarashada Puntland, wuxuuna sheegay imaatinkeeda inuu kusoo beegmayso xilli ay wasaaraddu qabanayso shir muhiim ah oo ku saabsan horumarinta waxbarashada Puntland.
Daawo Sawiradda.
XAFIISKA WARFAAFINTA WASAARADDA WAXBARASHADA
IYO TACLIINTA SARE DOWLADDA PUNTLAND
Deeq Maxamed Warsame ‘’ Hurevov’’ Garowe, Puntland Somalia.