13/october/2015- Wasiirka Waxbarashada dowladda Puntland Dr. Abshir Yuusuf Ciise ayaa dhagax dhigay mashruuc lagu quudinayo ardayda dhigata qaar kamid ah dugsiyada hoose/dhexe ee Puntland.
Mashruucaan oo ay maalgalinayso hay’adda WFP islamarkaana ay fulinayaan Hay’ada Mercy Corps iyo Wasaaradda waxbarashada iyo Tacliinta sare ee Dowlada Puntland iyo hay’adda Mercycorps ayaa laga hirgalindoonaa dugsiyadaa kala ah, Nawaawi, Sheerbi, Kobdhexaad, Xarfo, Widhwidh, Caroley iyo Siinaay.
Maxamed Xirsi oo Haya’da Mercy Corps wakiil uga ah Gobolada Puntland ayaa Aad ugu Farxasanaa mashruucan ay dhismihiisa leeyihiin.
Mercy Crops ayaa dhismayaasha Dugsiyada Sare puntlaand caan ku ah iyagoo Wax badan oo muuqada Qabtay, barnamijkaana Quudinta dhisamaha Gacanta Ku haynaya.
waxaa Mashruuc aad uga soo sheekeyey taariikhda uu leeyahay hormarinta Quudinta Waxbarashada Madax Dugsiyadda Quudinta ee Wasaaradda Waxbarashada iyo Tacliinta sare (C/qaadir Jarkunaban).
Jarkunaban waxaa uu sheegay in WFP ay kaalin weyn ka qadatay quudinta Raashinka dugsiyadda hoose/dhaxe ee Gobolada Puntland ,isagoo Dugsiyadda ugu baaqay inay dhankooda adkeeyaan Barnamijkaan Quudinta Wax Wayna Taray ardayda.
Wasiirka waxbarashada iyo Tacliinta sare ayaa mashruucaan dhagax dhigiisii ugu horeeyay ka sameeyay dugsiga hoose/dhexe ee Nawaawi ee Gobolka Nugaal oo laga sameynayo dhisme lagu quudindoono ardayda dhigata dugsiga fasalada hoose iyo dhexe.
Muhiimada laga leeyahay barnaamijkaan ayaa ah in kor loosoo qaado heerka nafaqada ardayda dugsiyada hoose si ay u noqdaan kuwo caaafimaadkooda wanaagsan yahay oo tamar u leh waxbarashadooda.
Dhinaca kale, Wasiirka waxbarashada iyo Tacliinta sare ayaa kormeeray dugsiga sare Nawaawi halkaasi oo uu kula kulmay ardayda iyo maamulka dugsiga wuxuuna ka xog-waraystay heerkooda waxbarasho isagoo horay u soo maray Dugsiga sare ee Gambool iyo Darwiish.
Halkaan ka daawo sawiradda..
