11/11/2015 Wasiirka Wasaaradda Waxbarashada iyo Tacliinta Sare ee Puntland Abshir Aw Yuusuf Ciise iyo Gudoomiyaha Waxbarashada Gobolka Nugaal ayaa kormeer ku tagay Macadka ay wax ku bartaan dadka araga naafadaha ka ee Albashar ee Garoowe.
Wasiirka ayaa kormeerkiisa waxaa uu qayb-ka ahaa kormeero uu ku samaynayey schoolada ku yaala Magaalada Garoowe ee Caasimada Dowladda Puntland waxaana uu wasiirku u kuur galay Xaalada ay ku sugan yihiin dadka araga Naafada ka ah ee wax ka barta macadka waxaana uu halkaas kula kulamay Maamulka Macadka oo uga xog waramay xaalada Machadka.
Maamulaha Macadka dadka araga naafada ka ah ee Albasar Shiikh C/naasir Guureeye Kaarshe ayaa sheegay in macadka haatan ku suganyihiin 40 arday oo ka kala yimid gayiga ay soomaalidu degto kuwaas oo waxbarasho iyo hoyba uu u yahay Macadku waxaana uu intaa ku daray inay jiraan baahiyo uu qabo macadku isagoo ka codsaday dowladda iyo ganacsatadaba inay gacan taakulayn siiyaan schoolka.
Wasiirka Wasaaradda Waxbarashada iyo Tacliinta sare Puntland Abshir Aw yuusuf Ciise ayaa dhankiisa sheegay in wasaaradiisu ay muhiimad gaar ah siin doonto goobaha ay wax ku bartaan dadka araga naafada ka ah waxaana uu intaa raaciyey inay shoolka indhoolayaasha ee albasar ay balaarin dhanka dhismaha ah ku samayn doonaan.
Hoos ka Daawo Sawiradda
by Deeq Maxamed WarsameEmail.Deeq.hurre99@Gmail.comTell- +25257743400