27/07/2016- Wasiir ku xigeenka Wasaaradda Waxabarashada iyo Tacliinta sare Dr Maxamed Cali faarax  Ku-simaha  agaasimaha guud Cabdulqaadir Yuusuf Nuux ahana Agaasimaha Waxaada Taya-Dhawrka iyo Kormeerka Guud ee Wasaaradda iyo Tacliinta sare  iyo Agaasimaha Waxaada imtixaanadka  Axmed Maxamud Warsame (Axmed Saahid) ayaa bahda Macaahida sharciga  ah ku soo dhoweeyey Xafiiska wasiir ku xigeenka Waxbarashada , isla markaana ku amaanay sida ay dedaalka ugu bixiyeen inay soo saaraan waxbarashada Macaahida sharciga ah arady badan.
Waxaa sidoo kale waxaa kulanka Wadatashiga ah  ka qayb galay masuuliyiinta macaahida sharciga ah oo uu hogaaminyay sheikh Maxamud yuusuf iyo Shiikh Muqtaar iyo sidoo kale xubno kale, waxaana Wadatashiga ahmiyada Macaahida ay u leedahay waxbarashada  dalka  oo qaatay saacado badan, lagu soo qaaday sida ay muhiim u tahay in loo istaago tayaynta Waxbarashada  iyadoo ka duulaysa himiladeedii aheyd kobcinta iyo tayeynta waxbarashada Puntland, tixgelinaysana dhammaan duruufaha  dhaqaale ee dalka ka jira. Wasaaraddu iyadoo ka duulaysa ilaalinta siyaasadaha iyo nidaamka waxbarashada guud ahaan, ilaalinaysana heerarka iyo taxanaha waxbarasho ee kala duwan.
Ujeeddo: Wadatashi arrimaha Macaahidda Sharciga
Wasaaradda Waxbarashada iyo Tacliinta Sare iyadoo ka duulaysa Masuuliyadda ka saaran Waxbarashada Dalka heer kasta oo ay tahayba.
Iyadoo si gaar ah isaga xilsaaraysa tayaynta Waxbarashada nooc kasta iyo heer kasta oo ay tahayba, islamarkaas talagalinaysa mas’uuliinta Waxbarashada Ahliga ah,
Iyadoo cuskanysa Siyaasadda Waxbarashada, Sharciga Waxbarashada iyo dhamaan Xeerhoosaadyada Waxbarashada ee ku wajahan qaabka Waxbarashada loo maamulo loona qaabeynayo,
Waxay go’aansatay inay abaabusho kulan wadatashi ah oo dhexmara Wasaaaradda iyo Mas’uuliinta Macaahidda Sharciga ee ka hawlgala Puntland, kulankaas oo ka dhici doona xarunta dhexe ee Wasaaradda 27/07/2016, kulanku wuxuu diiradda saari doona arrimaha soo socda:
- Xogwarran ku saabsan Waxbarashada ahliga ah, gaar ahaan tan ay gacanta ku hayaan Macaahidda Sharciga ah iyo Madaarista Diiniga ah ee ka hawlgala Puntland.
- Manaahijta Macaahidda Sharciga: isukeeniddeeda, midaynteeda, qiimaynteeda iyo aqoonsigeeda.
- Imtixaanaadka Macaahidda: qaabka loo qaadayo, loo midaynayo, loo maamulayo, iyo xiriirka ay la yeelanayso Xafiiska Imtixaanaadka ee Wasaaradda.
- Shahaada Macaahidda: sidii loo midayn lahaa, loo aqoonsan lahaa iyo cidda bixinaysa?
- Wixii kale ay la garto in laga wadahadlo.
Ugu dambayntii, waxaan rajaynayaa inaad soo ajiibi doontaan kulankaas ay Wasaaraddu idiinku yeertay si looga wadatashado, xal wadajir ahna looga wada gaaro arrimaha aan kor kusoo sheegnay.
Hoos ka Daawo Sawiradda.
