21/May/2016-Waxaa maanta oo sabti ah si toos u furmay Imtixaanka shahaadiga ah ee Puntland, waana imtixaankii ugu dambeeyey fasalka 12- aad ee dugsiga sare iyo fasalka 8-aad ee dugsiga dhexe, waxaana imtixaanka lagu qaadayaa 91 xarumood. wasiir- kuxigeenka wasaaradda Waxbarashada iyo Tacliinta sare  Dr Maxamed Cali Faarah ayaa imtixaanka ka daah furay iskuulka Raas Casayr  Dugsiga sare  ee Magaalada Boosaso , wuxuuna ardaydayda ku dhiiri galiyey inay waxbarashadooda sii wataan, isagoo u duceeyey, islamarkaana ka waaniyey Tahriibta.
Wasiir ku xigeenka Wasaaaradda Waxbarashada iyo Tacliinta sare Dr Maxamed Cali Faarah  ayaa faah faahiyey Ardayda Sanadkan u fariisatay Imtixaanka wuxuna sheegay in 3,304 Arday ay yihiin Dugsiyada sare, halka 7,813 ardyna ay u fariisteen imtixaanka fasalka sideedaad ee dugsiga dhexe, waxayna tiradood guud noqonaysa 11,122 Arday guud ahaan Puntland inay sanadkan galeen imtixaanka shahaadiga ah.
Imtixaanka  Fasalka 8-aad sanadkan waxaa galay Arday indhaha la, waxayna noqonaysa markii ugu horaysay oo Soomaaliya ay arday indha la u fariistaan imtixaan shahaadiya siday sheegeen masuuliyiinta wasaaradda waxbrashada Puntland.
Gudoomiyaha Waxbarashada Gobolka Bari shamso koonte  ayaa war bixin kooban ka hadashay iyadoo dhamaan xarumaha bari oo imtixaanku ka socda si nabada uga socdaan.
Ardayda ugu badan oo imtitxaanka fariisanaysa ayaa aha Gobolka Bari, Dhamaan Waxaa la adkeeye Xarumaha imtixaamka lagu galayo iyagoo Sanadkaan Ciidamo Dheerada la geeyey xarum kasta oo Puntland ah.
Maxamed Cali Waabari oo ah madaxa  Hay’adda AET ahna kormeeraha kowaad oo ah imtixaamka Boosaso ayaa Sheegay in iskuulka raas casayr markii ugu hoaraysay imtixaanka Puntland Galaan iyadoo xaruntaa dhaxe u ah iskuulo badan oo ka kooban 8 iskuul.
kadib Wasiir ku xigeenka iyo Gudoonka Waxbarashada Gobolka Bari Waxay kormeer ku tageen Dugsiga sare ee Boosaso public oo ah xarun Marti galin, oo imtixaanka waxaana ku galay 4 iskuul oo kala ah Gaarisa, Salahudiin, Boosaso public, iyo White Tower.
Guud ahaan Puntland ayuu imtixaanka maanta ka furmay, waxayna masuuliyiinta wasaaradda waxbarashada iyo Tacliinta sare ardayda Imtixaanka gashay alle uga baryeen inuu u fududeeyo.
Madaxa Imtixaanadka Puntland ee wasaaradda waxbarashada Axmed Saahid ayaa sheegay in sanadkan imtixaanku uu uga dawan yahay kuwii hore maadaama sanadkan ay galeen arday aan waxba arag, isagoo dadweynaha reer Puntland faray inay dhiiri galiyaan dadka qaba baahiyah gaarka ah si ay uga sii bataan tirade hadda imtixaanka u fariisatay.
Hoos ka Daawo Sawiardii furitaankii Magalada Boosaso.
By:Deeq Maxamed Warsame.
Xooghaynta Wasaaradda Waxbrashada iyo Tacliinta Sare.
Magaaladda Boosaso Xarumaha imtixaamdku ka socdo.