16/feb/2015,Wasaradda waxbarashada iyo tacliinta sare ee dowladda Puntland ayaa maanta oo Isniin ah magalada Garowe tababar labo maalmood socday ugu soo gaba-gabaysan 70-dhalinyaro ah oo ka kala yimi gobalada Puntland, kuwaasoo lagu taba-barayay horumarina waxbarashada iyo dhismaheeda, maadama dhowaan la meelmariyay qaab dhismeedka Manjahka waxbarashada.
Xiritaankiisa waxaa ka qayb galay tababarkan saraakiil ka socda wasaradda waxbarashada iyo waliba Hay’adda la yiraahdo AET oo maalgalisay qabsoomidiisa.
Furitaankiisa waxaa hadal ka jeediyay Agaasimaha guud ee wasaradda waxbarashada iyo tacliinta sare wuxuna sheegay inay muhiim tahay sidii loogu howlgali lahaa in dib dadka loogu celiyo xog aruurintii laga soo sameeyay ee ku saabsanayd Manjahka waxbarashada, sidoo kale Agaasimaha ayaa sheegay inay ka go’an tahay diyaarinta manjahka waxbarashada Dugsiyadda hoose, dhexe iyo sare.
Ugu danbayntii dhalinyaraddii tababarka kasoo qayb gashay oo Ragg iyo Dumar isagu jiray ayaa ka mahad celiyay aqoonta ay ka faa’iideen, waxayna sheegeen inay ku dabiqi doonaan howlahooda.
Hoos Ka Daawo Sawiradda
XAFIISKA WARFAAFINTA WASAARADDA WAXBARASHADA
IYO TACLIINTA SARE DOWLADDA PUNTLAND
Deeq Maxamed Warsame ‘’ Hurevov’’ Garowe, Puntland Somalia.