05/ok/2015/ Maalinta Macalinka Adduunka ayaa maanta laga xusay magaalada Garowe,munaasabad ay kasoo qayb galeen masuuliyiinta wasaaradda waxbarashada Puntland kuwa kuliyada Tababarka Macalimiinta iyo Ardayda kuliyada ayaa lagu qabtay Kuliyada.
Wasiir ku xigeenka wasaaradda waxbarshada Puntland Maxamed Cali Faarax ayaa sheegay in maalinta macalimiintu ay muhiimad u leedahay cidkasta oo ku howlan waxbarashada,waxaa uuna sheegay inay tahay maalin loo baahan yahay in laga qayb qaato xuskeeda.
Maxamed Cali ayaa ku booriyey macalimiinta inay da daal uga laan sidii ay xirfadooda macalinimo kor ugu qaadi lahaayeen isagoo carabaabay in wasaaradduna ay ka caawin doonto.
Wasiirka waxbarashada iyo Tacliinta sare ee Puntland Abshir Ow Yusuf Ciise ayaa dhankiisa hambalyo ku aadan maalinta macalimiinta udiray dhamaan macalimiinta Puntland,waxaa uuna sheegay in macalinku uu yahay midka bulshada hormarkeeda ka shaqeeya, sidaa darteedna ay muhiim tahay in la xuso.
Abshir ayaa xusay in wasaaraddu ay xooga saari doonto Tababarada Macalimiinta si loo hormariyo xirfada macalinka.
5 octobar ayaa la xusaa maalinta macalimiinta, waxaana laga hadlaa Faa’iidada uu bulshada u leeyahay Macalinku,iyo sdii looga taageeri lahaa caqabadaha hortaagan.
Hoos Ka Daawo Sawiradda.
