Wasaaradda waxbarashada ee dowladda Puntland ayaa maanta soo afmeertay imtixaanaadkii guud ee Puntland oo ay u fadhiyeen ardayda fasalada 4aad ee dugsiyada sare iyo kuwo fasalada 8aad ee dugsiyada dhexe oo imtixaanka galay maalintii sabtida ee 24ka bishaan.
Inkabadan 10.000 oo arday ah ayaa imtixaankaan kaga qeybgalay 70 xarumood oo kuyaala gobolada Puntland. Waxaana Todobo kun oo kamid ah ardaydaan ay ka socdeen dugsiyada dhexe gaar ahaan fasalka 8aad.
Wasiirka wasaaradda waxbarashada dowladda Puntland Cali Xaaji Warsame oo lahadlay warbaahinta ayaa sheegay inay aad uga taxadareen inuu imtixaanku yeesho wax qalad ah habo yaraatee. Wuxuuna sheegay inay kormeer ku hayeen imtixaanka tan iyo markii uu bilowday.
Wasiirka ayaa sheeay walwalkooda ugu weynaa inuu ahaa in uu imtixaanku dib u dhac ku yimaado maadaama bishii january ee sanadkaan uu dalku galay doorashooyin madaxtinimo oo ay xilkii kula wareegtay xukuumad cusub. Lkn wuxuu sheegay dadaal dheeraad ah oo ay sameeyeen shaqaalaha wasaaradda waxbarashada inay suurto gashay in imtixaanku qabsoomo waqtigii loogu talo galay.
Imtixaanka maanta lasoo gabagabeeyay ayaa ahaa imtixaanka fasalada 4aad ee dugsiyada sare iyadoo maalintii shalay lasoo gabagabeeyay kuwa 8aad ee dugsiyada dhexe.
Wasiir cali xaaji ayaa u mahad celiyey Macalimintii Kormeerayashii,SHaaqalaha dhaxe ee Wasaaradda Waxbarashadda iyo Ciidamada Amaanka ee Puntland iyo bahda saxaafadda oo sifiican uga qayb qaadatay.
Bisha August ee sanadkaan ayaa lagu dhawaaqidoonaa natiijooyinka imtixaanada kadib markii wasaaraddu ku sameyso saxitaan ka dhacidoona xarunta wasaaradda ee Garowe.
Daawo sawiradii Wasiirka Waxbarashadda Puntland oo Kormeer ku marayey dugsiyadda sare Imitaxaamadka Galayey.