20/May/2015- Wasaaradda waxbarashada iyo tacliinta sare ee dowladda Puntland ayaa maanta kulan dar daaran u qabatay 250 qof oo isugu jiray macalimiin iyo komeerayaal ka socday qeybaha waxbarashada.
Dadkaan oo looga kala yeeray dhammaan gobolada Puntland ayaa qaadidoona maalinta berito ah imtixaanka guud ee shahaadiga ee sabtida soo socota ka bilaabmidoona deegaanada Puntland.
Madaxa imtixaanaadka Puntland Axmed Maxamuud Warsame “Saahid” ayaa sheegay in imtixaanka lagu wareejindoono macalimiinta iyo kormeerayaasha si ay u geeyeen gobolada oo idil, Wuxuuna tilmaamay inuu rajeynayo inaysan wax dhibaato ahi ka imaan mas’uuliyada lagu aaminay.
Axmed saahid wuxuu sheegay sanadkaan inuu imtixaanku ka duwan yahay sanadihii lasoo dhaafay marka loo eego xarumaha lagu qabanayo imtixaanka oo la kordhiyay.
Wasiir ku xigeenka waxbarashada Puntland Dr. Maxamed Cali Faarax ayaa sheegay imtixaankaan inuu qiimayn u yahay dadaalkii laga gaaray manhajka waxbarashada, wuxuuna sheegay Puntland inay qibrad weyn u leedahay qaadista imtixaam midaysan.
Dr. Maxamed Cali Faarax ayaa kula dardaarmay howlwadeenada imtixaanka loo dhiibay in si daacad ugasoo baxaan mas’uuliyadood, isagoo xasuusiyay inay lagu aaminay oo ay gacanta ku hayaan mustaqbalkii ardayda Puntland.
Halkaan ka daawo Sawiradda.
