Wasaradda Waxbarashada Puntland ayaa gaari ugu deeqday Gudoonka Waxbarashada Gobalka Cayn si kor loogu qaadi heerka Waxbarashada deegaanada laamiga ka baxsan.
Wasiirka waxbarashada Puntland Mudane Cali Xaaji Warsame ayaa sheegay inay ka go’an tahay sidii kor loogu qaadi lahaa adeegyadda waxbarashada deegaanada ka fog laamiga si loo heli hormar laga gaaro waxbarashada.
Gaarigan lagu wareejiyay gudoonka waxbarashada Cayn ayuu Cali Xaaji sheegay inay wax badan ka badali doonto baahi badan oo dhanka Imtixaanaadka iyo aaditaanka goobaha kale ee Cayn hoos yimaada.
Gudoonka waxbarashada Gobolka cayn ayaa ka gudoomay wasiirka waxbarashada gaariga iyo furihiisa wuxuna sheegay inuu ku faraxsan yahay baahi adagna loo qabay.
Gudoonka waxbarashada Gobolka cayn ayaa bashii 4aad lagu wareejiyey Agab waxbarasho oo ka kooban qalab xafiiseed miisas kuraas iyo computaro iyo kaamiroyin.
Wasiir Cali Xaaji ayaa balan horay igu qaaday in Degmo kasta iyo Gobolkasta la gaarsiinayo Waxbarashada Puntland.
