17/ 07/2016- Wasaarada Waxbarshadda Iyo Tacliinta Sare ayaa maalmihii la soo dhaafay ku hawlanayd qiimeynta shan (5) hay’adood oo bah wadaag la ah Wasaarada Waxbarashada, guud ahaana ka hawl gala deegaanada Dawladda Puntland. Ugu horeyntii, Wasaaradu waxay xayaysiisay qandaraas ku saabsan barnaamij Wasaarada uu ugu deeqay, deeq bixinayaha loo yaqaan Global Partnership for Education (GPE) oo waxbarashada Puntland taageero dhaqaale ka gaysta isaga oo soo marinaya hay’ado calami. Hay’adaha soo dalbaday codisigaas waxay kala ahaayeen Mercy Corps, NRC, Save the Children, Relief International iyo UNICEF.
Waxaa goob joog ka ah Wasiirka Wasaaradda Waxbarashada  Prof: Abshir Yusuf ciise Wasiir ku xigeenka Wasaradda Waxbarashada iyo Taclinta sare Dr Maxamed Cali Faarax Agaasimaha guud Wasaasradda Waxbarashada Maxamed Abdulqaadir Cismaan iyo dhamaan shaqalaha wasaaradda Waxbarashada iyo Hayadaha Taageera waxbarshada puntland ayaa kulankaa ka qayb galay.
Qiimeyn kala duwan ka dib, waxaa tartankii ku guuleystay hay’ada UNICEF oo ah laf dhabarta taageerada waxbarashada asaasiga ah ee Puntland. Waxaa xusid mudan in UNICEF ay tahay hay’ada horay wasaaraad uga shaqaynaysay barnaamij hore oo ku deeqay GPE, Hay’ada  UNICEF ku guulaysatay in ay noqoto haya’daha bah wadaaga la ah GPE isla markaana codsan karta deeqda GPE Waxbarashada puntland ugu deeqday.
Waxaana shaaciyey inay ku guulaysatay barnamijkaa Wasiirka Wasaaradda Waxbarashada iyo Tacliinta sare Prof: Abshir yuusuf ciise.
Ugu danbayntii, Wasiirka ayaa sheegay in ay farxad u tahay Wasaaradda waxabarashada in maanta ay kaga dhawaaqdo mashruucaan in ay ku guulaysatay UNICEF wasaaraduna ay diyaarisay wax kasta oo suura galinaya in la helo hay’ayad Taagero dhaqaale ku biirin karta waxabarashada puntland.
Sidoo kale waxaa kulanka ka soo qayb galay hay’adaha Calamiga ah iyo kuwa maxa liga ah ee ka shaqeeya waxbarashada Puntland waxayna soo dhaweyeen go’aankii iyo qiimayntii Wasaarada. Waxaa la isku raacay go’aankii Wasaaradda Waxbarshada iyo Tacliinta sare.
Mashruucan GPE waxabarashada puntland ayaa waxaa u soconayaa Mudo Saddex sano ah.
Hoos Ka daawo Sawiardda.
By:Deeq Maxamed Warsame.
Xooghaynta Wasaaradda Waxbrashada iyo Tacliinta Sare.