20/oct/2016-  Wasiirk ku xigeenka waxbarashada iyo tacliinta sare ee dowladda Puntland Dr Maxamed Cali faarax iyo Agaasimaha Guud ee Wasaaradda Waxbarashada iyo Tacliinta sare Maxamed Abdulqadir Cismaan ayaa kormeer  ku tagay degmada xarfo iyo dhagax  dhig  loogu talo galay inuu qeyb ka qaato dardar gelinta iyo haqabtirka kobcinta waxbarashada gabdhaha  ee ardayda magaalada buur saalax oo ah  (Girls boarding school.)
Dusgigaan sare ayaa ah qeyb cusub oo lagu kordhiyay Magalada buursalax , kasoo horay u ahaa boarding wiilasha kaliya ahaa.
Wasiirka iyo Agaasimaha guud iyo Gudoonka Waxbarshada Gobolka ayaa waxay kalo dhagax dhigeen Dugsi farsamada Gacanta ah ee magalada buursalax.
Sababta loogu kordhiyay dugsigaan sare ayaa lagu sheegay inay tahay, si ardayda dugsigaas ka baxdo fursad ugu helaan inay isla dugsigooda ka helaan waxbarasho dugsi sare ah. sababtoo ah ma jiraan dugsi sare oo bourding ah oo ka agdhow aaga, iyadoo ardayda dugsigaas ka baxdana ay ku khasbanaayeen inay degmooyinka iyo tuulooyinka u dhow dhow ka soo adan.
Iyo qorshaha wasaaradda ah oo lagu xaraynayo gabdho badan oo meeshaa wax ka baranaya
Wasiirka waxbarashada Puntland ayaa u mahad celiyay hay’adda CARE oo maalgelinaysa mashruuca lagu dhisayo dusgiga sare baurding ah , wuxuuna sheegay tilaabadaan inay qeyb ka tahay sida wasaaradda waxbaraashadu ugu heelan tahay horumarinta waxbarashada.
Wasiirku wuxuu sheegay inay haatan wasaaradda waxbarashadu dhismayaal waxbarasho ka wado guud ahaan Puntland gaar ahaan dhulka xeebaha ku teedsan oo la doonayo in kor loosoo qaado waxbarashadooda.
Agaasimaha guud iyo Wasiir ku xigenka waxbarashada  oo ay kormeerka ku wehliyeen gudoomiyaha Gobolka Waxbarashada iyo gudoomiyaha Gobolka mudug   ayaa goobaha uu tagay wuxuu ka jeediyay qudbado kala duwan oo uu kula hadlayay ardayda iyo maamulka waxbarashada isagoo ku dhiiri galiyay in kor loo qaado tayada waxbarashada islamarkaana ay wasaaradu garab istaagnaandoono.
Maamulka Macalimiinta iyo ardayda ayaa si diiran u soo dhaweeyey Wasiirka ku xigeenka iyo Agaasimhaa guud iyagoo aad ugu faraxasnaa booqashada ay ku yimaden Magalada xarfo iyo buursalax.
Agaasimaha Guud ee Wasaaradda Waxbaarshada iyo Tacliinta sare  wuxuu sheegay inay wasaaradiisu ka go’an tahay in xoojiso waxbarashada Puntland iyadoo ay tusaale u tahay kormeerka uu ku marayo Degmadda xarfo iyo buursalax.
Agaasimaha guud iyo Wasiirka ayaa dhabaal hablayo u diray bulshadda ku dhaqan buur salax say wax u qabasaden iyo hormarka ay gaareen 15tii sano oo ugu danbaysay.
Daawo Sawiradda.
By:Deeq Maxamed Warsame.
Xooghaynta Wasaaradda Waxbrashada iyo Tacliinta Sare