Julay/7/2019. Wasaaradda Waxbarashada iyo Tacliinta Sare oo maanta imtixaan ka qaaday sawir sameeyayaasha buugaagta ardayga iyo tilmaamaha barraha ee dugsiyada hoose kuwaas oo shaqadoodu hada ka socoto Kulliyadda Tababarka Macalimiinta ee Gatoowe.
12 Sawir sameeye oo horay u soo codsaday shaqadaas in ay qabtaan ayaa maanta u fariistay imtixaan tijaabo ah oo ku saabsan xirfadooda iyo aqoontooda.
Imtixaanka ayaa waxaa goob joog ka ahaa Agaasimaha Waaxda Tayeynta iyo Kormeerka Waxbarashada, Cabdulqaadir Yuusuf Nuux, Agaasimaha Waaxda Qorsheynta iyo Siyaasadaha Murwo Asmaa Dr. Cabdulqaadir Cismaan iyo Marwo Faadumo Cali Xasan oo ah wakiilka UNICEF u qaabilsan arimaha Waxbarashada xubina ka ah Guddiga Diyaarinta Buugaagta.
Kuliyadda Tababarka Macalimiinta ee Gtec ayaa marti galisay Macalimiinta qorayaaasha iyo hagagaha buugaagta Macalinka dugsiyadda hoose ee Puntland, Kuliyadaas oo ku haboon xarumaha Waxbarasho meelaha ugu wanagsan ee Puntland ay leedahay.
By: Deeq hurevov Madaxa isku xirka Wasaaradda Waxbarashada iyo Tacliinta sare.
ref=”http://www.moepuntland.com/?attachment_id=15593″ rel=”attachment wp-att-15593″>
