06/06/2015- Waxaa maanta Jaamacada Bariga Afrka Fareceeda Garowe lagu qabtay Xaflad ay ku midaysa naayeen ardayda ka baxday Fasalka Afraad ee dugsiyada sare ee Gobolka Nugaal.
Munaasabada waxaa ka qayb galay Madaxweyne ku xigeenka Puntland,Waiir ku xigeenka Wasaaradda waxbarashada iyo Tacliinta,Maamulayaasha Dugsiyad Sare,kuwa jaamacadaha,macalimiin,waalidiin iyo Ardayada Qalin jabisay iyo isimadda Gobolka Nugaal.
Dhamaan dadkii goobta ka hadlay waxay dar daaran adag u jeediyeen Ardayda qalin jabisay iyagoo usheegay inay sii wadaan da’daalka waxbarasho oo aysan noqon kuwa halkaa uga hara.
Wasiir kuxigeenka Wasaaradda Waxbarashada iyo Tacliinta sare ee Puntland Dr Maxamed Cali Faarax ayaa Aradayda kula taliyey inay muujiyaan da’daalkii ay horay usoo muujiyeen mid kasii wanaagsan ayna noqdaa kuwa dalkooda ku kalsoonaada waxna ka barta.
Ardayda qayb tood oo goobta hadalo ka jeediyey waxay ka hadleen muhiimada ay leedahay waxbarashadu waxay mahad gaara u celiyeen Macalimiintii iyo Waalidiintii kuso da’daalay inay heerka maanta ay marayaan gaaraan.
Islaan Ciise Islaan Maxamed oo isna Madasha ka hadlay waxaa uu Ardayda ku booriyey inay noqdaan kuwa ku dhiirada hogaaminta bulshada isagoo kula taliyey inay sii wadaan waxbarashada waxaa uuna kula dar daarmay inay ka fakaraan jiilka ka dambeeya siday hormar wanaagsan uga samayn lahaayeen waxbarashada.
Madaxweyne ku xigeenka Puntland Cabdixakiin Cabdullaahi Xaaji oo soo xiray Munaasabada waxaa uu ugu horayn u hambalyeeyey Ardayda waxaa uu sheegay in Dowladdu da’daal badan ku bixin doont hormarka waxbarshada,isagoo Aradyda ku bogaadiyey inay qayb ka qaataan hormarka iyo Nabad galyada dalka wuxuuna tilmaamay inay taa uga qayb qaadan karaan iyagoo da’daal ka muujiya waxbarashada.
Ardayda Maanta Xaflada qalin jabinta ku qabsaday Jaamacada Bariga Afrika ee Garowe ayaa tiradoodu gaaraysaa in ka badan 7oo Arday waxayna dhawaan ka qalin jabiyeen Fasalka Afraad ee Dugsiyada sare ee Garowe,Eyl,Buurtinle,Kalabayr,Xasbahale waaana Markii ugu horaysay oo Xaflad ay ku midaysan yihiin Ardayda Gobolka nugaal lagu qabto Garowe.
Hoos ka Daawo Sawiradii