21/May/2015- Waxaa maanta magalada Garowe xarunta Puntland lagu sagootiyay kooxihii Gobaladda Puntland u qaadayay Imtixaanka Shihaadiga ah, iyadoona Imtixaanka Shihaadigu uu dhici doono maalinta Sabtida ee soo socota.
Agaasimaha waaxda Imtixaamaadka ee Wasaradda Waxbarashada iyo tacliinta sare Mudane Axmed Maxamuud Warsame (Saahid) ayaa warbaahinta u sheegay inay maalinta Jimcaha ah Tiimamkani ku sugan yihiin goobihii loogu talo galay in lagu qaado Imtixaanka Shihaadiga ah oo isagu jira Fasalka afaraad ee dugsiga sare iyo fasalka 8-aad ee Dugsigadda Dhaxe.
Axmed Saahid ayaa kula dardaarmay kooxahan saaka Garowe ka baxay inay siwanaagsan uga soo baxaan shaqada loo igmaday, ayna muujiyaan kartida u lee yihiin la socodka Imtixaanka.
Mudo todobo barri ah ayuu soconayaa Imtixaanka, kaasoo hal mar ka wada dhici doono Gobaladda Puntland, waana markii 16-aad oo Wasaradda Waxbarashada qaado Imtixaanka Shihaadiga ah oo Marna imtixaam kaasu bixin.
Waana Guul u soo haytay Wasaaaradda Waxbarashada iyo Tacliinta sare iyo Dowladda Puntland iyo dhamaan Ardayda Puntland.
Maalinta Sabtida ah ayaa waxaa lagu wadaa in madaxda ugu saraysa ee dowladda Puntland ku dhawaaqaan furitaaka Imtixaanka, munaasibadda furitaanka ayaa lagu qabanayaa Dugsiga sare ee Gambool Garowe.
Puntland ayaa ka mid ah meelaha caalamku sida aadka ah ugu ammaano horumarka dhanka waxbarashadda, midowga Yurub ayaa sheegay waxbarashadda Puntland inay tahay tan ugu horumarsan Soomaalia
Wasiirka Wasaradda Waxabarashada iyo Tacliinta Sare ayaa Aaad ugu mahad celiyey Waaxda Imitixamadka shaqada Ay hayaan coleeskeeda inta ay la egtahay iyo Masuulidda ka Saaran, Waxuuna u rajeeyey imitixaamadka Puntland in Guul ku dhaaamado.
Hoos Ka Daawo Sawiradda.
