15/Feb/2015, Agaasimaha guud ee wasarada waxbarashada dowladda Puntland mudane Axmed Cabdi Cali ayaa maanta oo Axad ah waxa uu furay tababar waxbarashada iyo u qareemideeda looga hadlayo kasoo ka furmay hoolka shirarka Hotel News Rays ee magalada Garowe.
Tababarkan ayaa loo qabanayaa 70-dhalinyaro ah oo ka kala socda dhamaan gobaladda Puntland, waxana uu barnaamijkan ku saabsan yahay u qareemida nabadda waxbarashada Puntland, iyadoona xog aruurin lagu sameeyay dadka ay ka go’do nabada waxbarashadda.
Masuuliyiinta wasaradda waxbarashadda iyo tacliinta sare, Gudoomiyaasha waxbarashadda ee gobaladda Puntland qaarkood iyo saraakiil ka socda Hay’adda Africa Educational Trust oo kaalin muuqata ka qaadatay qabsoomida barnaamijkan.
Agaasimaha guud ee wasarada waxbarashada Mudane Axmed Cabdi Cali ayaa marka hore u mahad celiyay sida wanaagsan ee dhalinyaradaani isagu soo xil qaameen inay mudada uu tababarkan socdo ka faa’iidaystaan daruusta lagu bixinayo.
Tababarkan oo ah kii labaad oo watashi ah ayaa waxaa laga doonayaa dhalinyaradda ka qayb galaysa inay dib ugu celiyaan xog aruurintii ay kasoo sameeyeen deegaanada Puntland, kaasoo ku saabsanaa manhajka Dugsiyadda sare,dhexe iyo hoose, Agaasimaha guud ee wasaradda waxbarashadda ayaa sidoo kale ka sheekeeyay inay shaqooyin badan oo Manjahkan ku saabsan sugayso kaasoo xitaa dhaqaalaha ku baxayaa aysan wasaraddu awoodin.
Ka qayb galayaasha ayaa dhankooda sheegay inay ku faraxsan yihiin inay xog aruurin ka sameeyeen deegaanadda Puntland oo salka ku haysa Manjahka waxbarashadda iyo u qareemida waxbarashadda.
Kulankan oo lagu rajo weyn yahay inuu maalinta barito ah soo xirmo ayaa waxaa qabsoomidiisa wasaradda kala shaqeeyay Hay’adda dhanka waxbarashadda kala shaqaysa ee Africa Educational Trust.
Hoos ka Daawo Sawiradda
XAFIISKA WARFAAFINTA WASAARADDA WAXBARASHADA
IYO TACLIINTA SARE DOWLADDA PUNTLAND
Deeq Maxamed Warsame ‘’ Hurevov’’ Garowe, Puntland Somalia.