09/30/2018 Waxaa ku qabsoomay Wasaarada Waxbarashada Iyo Tacliinta Sare Puntland aqoon kororsi ay bixinayeen hawl wadeena Somalia Education Cluster.
Ujeedada ayaa ahayd in kor loo qaado aqoonta dhammaan shaqaalaha u adeega waxbarashada xaaladaha deg dega ee Somaliya. Waxaa kasoo qayb galay ilaa 24 qof oo ka kala socday dhammaan maamul goboleedyada iyo Fedaraalka Soomaaliya.
Aqoon kororsigaa ayaa horey uga qabsoomay caasimada Soomaaliya Muqdisho markay tariikhdu ahayd 9-12 bishii Julay ee sanadkan. Waxaa xusid mudan muhiimada ay leedahay in wada shaqeyn buuxda ay dhex marto dhammaan shaqaalaha waxbarashada xaaladaha deg dega ee Soomaaliya si looga wada tashado dhibaatooyinka waxbarashada hakadka ka galiya ardayda Somaaliyeed meel kasta oo ay joogaan. Aqoon kororsiga noocan oo kale ah waxay abuurayaan horumar, wadasheqayn iyo in tacliinta ardaydeena Somaaliyeed la xoojiyo. Aqoon kororsigan ayaa Wasaaradda waxaa hogaaminaysay Agaasimaha Waaxda Waxbarashada Tooska ah iyo Madaxa Qaybta Waxbarashada Xaaladaha deg dega ah…..
Wafdigii ka kala yimid maamulada Soomaaliya iyo Dawladda Dhexe ayaa waxaa si heer sare ah u sagootisay Wasaaradda Waxbarashada iyo Tacliinta Sare.Â
Hoos Ka Daawo Sawiradda.
By Deeq Hurevov Madaxa isku xirka Wasaaradda Waxbarashada iyo Tacliinta Sare.