11/March/2015, Wasaaradda waxbarashada iyo tacliinta sare ee dowladda Puntland ayaa soo gabagabeysay kormeero waxbarasho oo laga waday degmooyinka iyo tuulooyinka gobolada Nugaal, Sool. Sanaag iyo Haylaan.
Kormeerkaan oo soo bilowday kowdii bishaan maarso ayaa loogu kuur galayay xaaladaha waxbarasho ee dugsiyada kuyaala degmooyinka iyo tuulooyinka kuyaala gobolada kormeerka laga sameynayay.
Guddiyadii waxbarasho ee loo diray gobolada ayaa dbib ugusoo laabtay magaalada Garowe kadib markii muddo 10 cisho ah ku maqnaayeen kormeerka gobolada halka qaarkood ay ka howgalayeen Garowe.
Sargaal katirsan wasaaradda waxbrashada ayaa warsidaha Puntandi.com u sheegay inay wasaaraddu dardar xoogan kawado tayaynta waxbrashada dhulka ka baxsan laamiga ah oo loo arkay inay mudnaan gaar ah leeyihiin.
Wasiirka waxbarashada iyo tacliinta Puntland Cali Xaaji Warsame ayaa dhawaan sheegay inay isku xuquuq waxbarasho leeyihiin ardayga ku sugan Garowe iyo midka jooga miyiga fog, Wuxuuna sheegay inay mas’uuliyad weyn ka saaran tahay inay waxbarashada ubadka.
Dhawaan wasaaradda waxbarashada ayaa bilaabidoonta wajigii saddexaad ee kormeerka waxbarashada gobolada Mudug iyo Cayn, kuwaas oo kormeerkoodu bilaabmidoono bisha soo socota.
Daawo Sawiradda.
XAFIISKA WARFAAFINTA WASAARADDA WAXBARASHADA
IYO TACLIINTA SARE DOWLADDA PUNTLAND
Deeq Maxamed Warsame ‘’ Hurevov’’ Garowe, Puntland Somalia.