29/April/2017- Waxaa magalada Garowe xarunta Puntland ka furmay shirwayne ballaaran oo lagu turxanbixinta iyo ansixinayo qaab dhismeedka manhajka waxbarashada Dugsiyada sare ee Puntland, kaasoo ay soo qaban qaabisay wasarada waxbarashada iyo tacliinta sare ee dowladda Puntland iyo Hay’adda Mercy Crops.
Shirkan oo labo maalmood soconaya waxaa furitaankiisa kasoo qayb galay wasiirka Wasaaradda Waxbarashada iyo Tacliinta sare ee Dowlada Puntland Prof: Abshir Yuusuf Aw Ciise iyo ,Wasiir ku Xigeenka Wasaaradad Waxbarshada iyo Tacliinta sare ee Dowlada Puntland Dr Maxamed Cali faarax, Agaasiamaha Guud ee Wasaaradda Waxbarshada iyo Tacliinta sare Maxamed C/qaadir Cismaan iyo Agaasima Waaxeedada kala duwan ee Wasaaradda Waxbarshada iyo Tacliinta sare
Iyo masuuliyiin kale oo ehel u ah waxbarashada Puntland, sidoo kale waxaa goobjoog ahaa shirkan Gudoomiyeyaasha Waxbarsahada Gobolada iyo maamulayaasha iskuulada Dugsiyada sare iyo Macalimiintooda kala dhiga maadooyinka kala duwan ee Dugsiyada sare.
Ugu horayn Waxaa barnamijkaa ka hadlay iyo warbaxintisa Agaasimaha WaaxdaTaya-dhawka Manahijta iyo Kormeerka Guud ee Wasaaradda Waxbarashada iyo Taclinta sare C/qaadir Yuusuf Nuux ayaa sheegay inay maanta ahmiyad gaar ah u lee dahay sidii loo ansixin lahaa Turxanbixinta iyo Manhajka waxbarashada Dugsiyada sare ee Puntland, ayna qayb ka tahay hiigsiga waxbarashada Puntland, wuxuna meesha ka xusay inay juhdi iyo dadaal faro badan galiyeen manhajkan Dugsiyada sare ee Puntland.
Madaxa Mercy Crops Maxamed Xirsi ayaa isaguna meesha ka hadlay isagoo yiri Wasaaradda Waxbarshada Puntlanad ayaa ka mid nahay oo sheegay inay siiyaan ahamiyada gooni ah Wasaardda Waxbarashada iyo Tacliinta sare.
Maxamed Xirsi oo ah Madax hay’dda Mercy Crops ayaa yiri hal ku dhigaan “Bare Tayo iyo Aqoon Leh ayaa Soo Saara Arday Aqoon iyo Anshax Ku Sifoobay”
Agaasimaha Guud Wasaaradda Waxbarashada iyo tacliinta sare ee Puntland Mudane Maxamed C/qaadir Cismaan ayaa sheegay inay tahay arrinta shirkan loo fadhiyo arrin Qaran, isla markasna diyaarinta Manhajkani ay ka qayb galeen saraakiil bulshada matalaysa.
“Dadaalkeena mustaqbalka dhow wuxuu yahay in arday walba oo reer Puntland uu helo buug maado kasta ah oo lagu qoray manhajka Hoose/dhexe iyo Dugsiyada sare ee Puntland,”ayuu iri agaasimaha Guud oo intaas sii raaciyay inay wasaaraddu mar walba dib u eegis ku sameyndoonto manhajkaan haddii loo baahdo.
Kasoo qayb galaayaasha shirkan ayaa lagu wadaa tan iyo bari galinka hore inay fikirkooda ka dhiibtaan kana doodaan qaabka loosoo diyaarshay qaab dhismeedka Turxanbixinta iyo Ansixinta Manhajka Puntland.Prof Maxamed Cabdi oo ah latalyaha Wasaaradda Waxbarashada iyo Tacliinta sare ayaa howl wadeen ka ah turxan biaxinta iyo ansixinta muqararka Dugsiyada sare ee Puntland
Wasiir ku xiogeenka Wasaaradda Waxbarshada iyo Tacliinta sare Dr Maxamed Cali Faarax ayaa khudbad dhinacyo badan taabaysa kasoo jeediyay shirka oo ay kasoo qayb galeen in ka badan 70-qof oo ka kala yimi gobaladda Puntland, wuxuna sheegay inuu ku faraxsan yahay diyaarinta Turxanbixinta iyo ansixinta manhajka waxbarashada Dugsiyada sare ee Puntland.
Kasoo qayb galayaasha shirka ayuu Wasiir ku xigeenka sheegay inuu ka filayo inay ku daraan aragtidooda ku aadan Manhajka waxbarashada Dugsiyada sare ee Puntland, wuxuna sheegay manhajkani inuu sii hormarinayo waxbarashada Puntland si tartan loola galo waxbarashada dalalka caalamka.
Wasiirka Wasaaradda Waxbarashada iyo Tacliinta sare oo ka warbixiyey ahmiyada shirwaynahan leeyahay waxayna si qoto dheer uga warbixisay dadaalada ay xukuumada ugu jirto adkaynta iyo xoojinta tayada waxbarashada iyo tir tirida jahliga.
Waxaa kale oo ay warbixiyey istaraatajiyadaha iyo qorshayaasha u salaysan dhinaca siyaasada Waxbarashada iyo nidaamka lagu hirgalinayo fulinta qorshayaashaa.
Wasiirka Wasaaradda Waxbarashada iyo Tacliinta sare Prof Abshir Yuusuf Aw Ciise oo shirkan furay Manhajka Dugsiyada sare ayaa aad ula hadalay bahwadaagta Waxbarashada Puntland kana hadalay qorshayaasha u dajisan dhinaca waxbarashada gaar ahaan sidii dhamaan caruurta reer puntland ee gaadhay da’da waxbarashada loo keenilahaa goobaha waxbarashada, in xooga la saaro waxbarashada dadka waawayn iyo waxbarashada farsamada Gacanta iyada oo ahmiyada gaar ah la siinayo waxbarashada caruurta baahida gaar ka ah qabta.
Wasarada waxbarashada iyo tacliinta sare kulankan waxaa qabsoomidiisa kala shaqeeyay Hay’adaha kala ah Mercy Crops iyo AET.
Hoos ka Daawo sawiradda
By:Deeq Maxamed Warsame.
Madaxa isku xirka Wasaaradda Waxbrashada iyo Tacliinta Sare.