26/12/2015 Wasiirka ku xigeenka wasaradda waxbarashada iyo tacliinta sare dowladda Puntland Dr. Maxamed Cali faarax ayaa tababar ugu soo xiray magaalada Garowe 124 kamid ah maamulayasha waxbarashada dadban.
Tababarkaan oo ay fulinayso hay’adda Care islamarkaana soondoona saddex cisho ayaa wuxuu ku saabsan yahay sida loo aruuriyo xogta dhabta ah ee waxbarashada Puntland.
safiyo sugule oo ah agaasimaha waaxda waxbarashada Tooska ah ee wasaaradda waxbarashada ayaa kula dardaarantay mas’uuliyiinta tababarka loo furay inay tababarkaan si wanaagsan uga faa’idaystaan, xog lagu kalsoon yahayna soo gudbiyaan waxayna tiri,
3 bari oo tababarku socday aad baa idinku mahad naqaayaa Dulqaadka aad samayseen.
Agaasimaha guud ee wasaradda waxbarashada iyo tacliinta sare Axmed Cabdi Cali Shire (Kayse) ayaa sheegay in waxbarashada dadban faaiido way u tahay xogta la soo uruurinayo. hadii xog saxa la helana waxay noo tahay waxqabad fiican.
Waxaa la yiraahdaa go’aankii qaldama waxaa qaldanayd xogtii lagu dhisay. sidaa daraadeed haddaynaan soo gudbin xogta saxda ah go’aanka wasaaraddu qaadanayso wuu qaldamayaa sidoo kale go’aanka ay qaadanayaan deeq bixiyayaasha wuu qaldamayaa. taas kadib waxaa imaanaysa in meelna laga dhiso 100 dugsi meel kalena aysan lahayn dugsi iyo sidoo kale inay meesha kabaxdo isku dheelitirnaanta waxbarashada” ayuu yiri wasiirku.
Wasiirka ku xigeenka wasaaradda waxbarashada iyo Tacliinta sare Dr. Maxamed Cali Faarax ayaa sheegay inuu tababarkaan qeyb ka yahay barnaamij lagu magacaabo (EMIS) oo ah hab lagu ururiyo laguna diiwaan galiyo sanad kasta xogta waxbarashada Puntland.
Wuxuu sheegay wasiirku xogta la aruurinayo inay ku saabsan tahay dhammaan waxbarashada ka socota Puntland.
Hoos ka Daawo sawiradii xiritaanka xog ururinta Waxbarashada Dadban.
By: Deeq Maxamed WarsameEmail.Deeq.hurre99@Gmail.comTell- +25257743400