05/05/2015-Madbacadda Wasaaradda Waxbarashada iyo Tacliinta Sare ayaa soo gabogabaysay daabacaad buugaagta Waxbarashada Sidkan iyo Sheekooyin kuwaasoo ay u daabacaysay Hay’adaha Save the Children iyo NRC-(Norwegian Refugee Counsel), kuwaasoo Wasaaradda Waxbarashada la shaqeeya, kana taageera dhinacyo badan oo ay ka mid tahay daabacadaha Buugaagta kuwaasoo loo daabaco dugsiyo ay si gaar ah u gacan siiyaan oo ku yaal deegaanada Puntland.
Buugaagtan oo ah kuwo ay hay’aduhu horay u soo dalbadeen ayay Madbacadda Wasaaraddu ku wareejisay Maalinimadii Arbacada ee Usbuucii la soo dhaafay taariikhduna ahayd 29-April-2015, iyadoo ay dhamaayeen buugaagtaasi 24,340 buug.
Madaxa Qaybta Waxsoosaarka ee Wasaaradda Waxbarashada Faarax Yuusuf Nuur K.K ayaa sheegay in ay madbacaddu wadashaqayb joogta ah la leedahay Hay’adaha la shaqeeya Wasaaradda kuwaasoo intooda badan dalabaadkooda daabacaadaha buugaagta iyo dekumentiyada ka daabacda Madbacadda Wasaaradda, waxayna qayb ka yihiin buugaagtaani ay Madbacaddu u daabacday Hay’adaha Save the Children iyo NRC hawlaha wada shaqayneed ee kala dhexeeya Guud ahaan Wasaaradda iyo gaar ahaan Madbacadda.
Mr. Farah ayaa sidoo kale sheegay in Madbacadda Wasaaradda Waxbarashadu awood u leedahay inay waqti kooban ku daabacdo dalabaadka uga yimaada Hay’adaha ay wada shaqaynta leeyihiin iyo macaamiisha kaleba, Waxaana sidoo kale la rajaynayaa in kor loo qaado tayada Madbacadda si ay awood ugu hesho daabacaadaha buugaag wada gaara Puntland oo idil maadaama la rajaynayo dhowaan in la sameeyo manhaj-kii Waxbarashada Puntland.
Hoos Ka Daawo Sawiradda.
Hoos Ka Daawo Sawiradda.
Xafiiska Warfaafinta Wasaaradda Waxbarashada iyo Taclinta Sare
By Deek Mohamed Warsame