25/May/2015- Wasiirka Wasaaradda Waxbarashadda iyo Tacliinta sare ee Puntland Mudane Cali Xaaji Warsame,ayaa Kormeer uu ku maray Iskuulo ku yaala Gobolada Nugaal iyo Karkaar,waxaana Kormeerka ku weheliyay Agaasimaha Waaxda Imtixaamaadka Axmed Maxamuud Warsame,Agaasimaha Waaxda Tacliinta Sare Cabdullaahi Cali Jaamac iyo Agaasimaha Tayaynta Waxbarashadda iyo Manaahijta Cabdulqaadir Yuusuf Nuux.
Mudane Cali Xaaji Warsame ayaa Kormeerkiisa ugu kuurgalaya habsami u socodka Imtixaanka Shahaadiga ah oo galay maalintii saddexaad,kaasi oo ka soconaya guud ahaan Gobolada Puntland.
Intii uu socday Kormeerku wuxuu Wasiirku uu indhaindheeyay hannaanka uu u socdo Imtixaanka iyo sida ay u illaalinayaan Macalimiintu.
Wasiirka Wasaaradda Waxbarashadda iyo Tacliinta sare ee Puntland Mudane Cali Xaaji Warsame oo la hadlay Saxaafadda,ayaa sheegay inuu sidii loogu talagalay uu u socdo Imtixaanka Shahaadiga ah,wuxuuna Macalimiinta iyo Kormeerayaasha ku amaanay qaabka ay u illaalinayaan Imtixaanka.
Cali Xaaji Warsame ayaa Ardayda ugu hambalyeeyay dadaalkooda Waxbarasho iyo sida ay uga go’an tahay inay ka dhabeeyaan hankooda Waxbarasho.
Dhanka kale,Wasiirka Waxbarashada iyo Tacliinta sare ee Puntland Mudane Cali Xaaji Warsame ayaa Arday baratay Farsamada gacanta ku guddoonsiiyay magaalada Qardho shahaadooyinkooda Waxbarasho,waxaana Ardaydu ay isugu jireen Wiilal iyo Gabdho.
Puntland ayaa hormar balaaran ka gaartay Waxbarashadda,waxaana Umada Soomaaliyeed ay horay u qireen in Puntland ay mudan tahay in looga daydo hormarka Waxbarasho ee ay samaysay.
 Hoos Ka Daawo Sawiradda