12/october/2015- Wasaaradda waxbarashada iyo tacliinta sare Puntland ayaa guul Taariikhiya samaysay iyadoo gacan ka helaysay hay’adda horumarinta waxbarashada ee AET ayaa ku guulaysatay in si rasmi ah loo meel mariyo muqararka manhajka dugsiyada hoose/dhexe ee Puntland.
Muqararkaan oo lagasoo shaqeynayay ilaa sanadkii 2011 ayaa waxaa meelmariyay quburo Waxbarasho oo ka socday wakiilada Wasaaradda waxbarashada, qeybaha bulsahda iyo hay’adda AET oo taageere dhaqaale ku bixisay mashruucaan waxbarasho.
Wakiilada ayaa mudo labo maalin dib u eegis ku sameynayay muqararka, Waxaana markii dambe lagu guulaystay in cod gacan taag ah lagu meel mariyo, isagoo ka dhigan in sanad dugsiyeedka dambe lagu dhaqmidoona manjahkaan cusub.
Ciise Maxamed Ciise oo ah Madaxa manhajka iyo Tayaynta waxbarashada oo ka hadlay madasha ayaa sheegay inuu ku faraxsan yahay in manhajkaan uu ka dhexmuuqdo iskutashigii uu ku dhawaaqay madaxweynaha Puntland, isagoo sheegay cid aan ka ahayn wasaaradda waxbarashada iyo shacabka Puntland in aysan wax lug ah ku lahayn dhameystirkiisa.
Madaxa hay’adda AET xafiiskeeda Puntland Maxamed Cali Waaberi iyo Cabdulahi Nuur salaad ayaa sheegay inay guul weyn u arkaan meel marinta muqararka manhajka, isagsoo sheegay inuu weyn u taridoono ardayda haatan dhigata dugsiyada hoose/dhexe iyo jiilka soo socda.
Maxamed Cali Waaberi wuxuu sheegay inay barmaamijkaan gacan weyn ka geysteen si looga miro dhaliyo muhiimada laga leeyahay oo ah in ardayda Puntland lagu barbaariyo manhaj ka turjumaya waxbarashada Puntland.
Agaasimaha Waaxda Tayenta iyo dhowrida Manhajka C/Qaadir Nuux yuusuf ayaa bogaadiyay howsha horumarka leh oo Manhajka Dugsiyadda dhaxe/Hoose lagagaray Mudadii 5tii Sano ugu Danbaysay waxaana uu xusay in guul weyn ay puntland Waxbarashadeda u tahay in maamulka bahda Waxbarashada, Agaasimaha ayaa aad ugu mahad celiyey dhamaan dadkii shaqadaan soo qabtay.
Wasiir ku xigeenka waxbarashada Puntland Dr. Maxamed Cali Faarax oo soo xiray xaflada meel marinta manhajka ayaa sheegay in sida ugu dhaqsiyaha badan loo gudo galidoono qoritaanka maadooyinka manhajka si loo dhaqan galiyo islamarkaana u noqdo mid laga isticmaalo dhammaan dugsiyada hoose/dhexe Puntand.
Wasiir ku xigeenka wuxuu mahad celiyay hay’adda EAT oo gacan weyn ka geysatay barnaamijkaan, wuxuuna sheegay inay weli ka sugayaan inay sii wado taageerada waxbarashada Puntland.
Daawo sawiradda meel marinta.
